POLISI Y'U RWANDA

Muri ibi bihe by'imvura Polisi irasaba abaturarwanda kubahiriza amabwiriza bahabwa

Umuvugizi wa Polisi y'u Rwanda Commissioner of Police (CP) John Bosco Kabera mu gitondo cyo kuri uyu wa Gatandatu tariki ya 07 Werurwe 2020 yongeye gusaba abaturarwanda yaba abagenda n'amagaru cyangwa abatwara ibinyabiziga kubahiriza no kumvira amabwiriza bahabwa n’abapolisi muri ibi bihe by'imvura nyinshi. Inkuru irambuye

Iburasirazuba: Polisi ikomeje ubukangurambaga mu kwirinda inkongi

Polisi y’u Rwanda binyuze mu ishami ryayo rishinzwe ubutabazi no kurwanya inkongi z’umuriro imaze iminsi iri mu bukangurambaga mu baturage ibakangurira kwirinda inkongi y’umuriro no kuyirwanya, mu ntara y’Iburasirazuba ubu bukangurambaga bwatangiriye mu karere ka Rwamagana tariki ya 26 Gashyantare 2020. Inkuru irambuye

Polisi yakomereje gahunda ya Gerayo Amahoro mu mashuri makuru na Kaminuza

Mugihe gahunda ya Gerayo Amahoro igeze mu cyumweru cya 43 mu byumweru 52 icyiciro cyayo cya mbere kigomba kuzamara, kuri uyu wa Gatatu tariki ya 04 Werurwe iyi gahunda yakomereje mu mashuri makuru na za Kaminuza hirya no hino mu gihugu.  Ni ubukangurambaga bugamije gukangurira abakoresha umuhanda, baba abatwara ibinyabiziga, ababyifashisha mu ngendo zabo  n’abanyamaguru kwirinda impanuka zo mu muhanda, aho bakangurirwa kubahiriza amategeko y’umuhanda birinda icyo aricyo cyose cyateza impanuka. Inkuru irambuye

Kigali: Polisi irakangurira abaturage kutangiza ibidukikije

Polisi y’u Rwanda ikorera mu mujyi wa Kigali yongeye gukangurira  abaturage kudatema amashyamba no kutangiza ibidukikije muri rusange kuko bigira ingaruka ku muryango nyarwanda ndetse bibutswa ko ubirenzeho aba yishe amategeko abihanirwa. Inkuru irambuye

Rubavu: Polisi yafashe uwakaga umumotari ruswa yiyita umupolisi

Abapolisi bo mu ishami rishinzwe kurwanya ruswa kuri uyu wa kabiri tariki ya 03 Werurwe bafashe uwitwa Ndayambaje Gilbert ufite imyaka 36. Yafatiwe mu cyuho arimo kwakira ruswa y’amafaranga y’u Rwanda ibihumbi 25 (25,000Rwf) yari yatse umumotari nyuma yo gusanga hari ibyangombwa adafite. Yafatiwe mu kagari ka Mahoko, umurenge wa Kanama mu karere ka Rubavu. Inkuru irambuye

Polisi irakangurira abaturage kwirinda ibikorwa bitemewe kandi byashyira ubuzima bwabo mu kaga

Polisi y'u Rwanda irasaba abaturarwanda gufata ingamba zo kwirinda ibiza no kureka ibikorwa byose byashyira ubuzima bwabo mu kaga. Ibi Polisi ibitangaje nyuma y’ibyabaye kuri uyu wa kane tariki ya 05 Werurwe mu Karere ka Nyamagabe, aho abantu batanu bari binjiye mu buvumo bw’urutare bagiye gusengeramo bakaza gutembanwa n’imivu y’imvura nyinshi yabasanzemo. Inkuru irambuye

Nyamagabe: Polisi yafatiye mu cyuho abangizaga ishyamba rya Leta

Polisi y’u Rwanda ikorera mu karere ka Nyamagabe mu murenge wa Kitabi mu kagari ka Mujuga kuri uyu Gatanu taliki ya 07 Werurwe yafatiye mu cyuho abagabo Babiri aribo Habiyaremye Laurent w’imyaka 40 na Munyakazi Francois w’imyaka 38 barimo gutema ibiti mu ishyamba rya Leta riri ahitwa Gasasa, babibazagamo imbaho ibindi babitwikamo amakara. Inkuru irambuye

Nyarugenge: Polisi yafashe abategeraga mu nzira abaturage bakabambura

Mu ijoro ryo kuri uyu wa Gatatu tariki ya 04 Werurwe mu masaha ya nijoro ahagana saa yine, Polisi y’u Rwanda ikorera mu karere ka Nyarugenge ku bufatanye n’abakora irondo ry’umwuga bafashe abantu batatu aribo:  Hakizimana Eric w’imyaka 30, Twagirimana Evariste w’imyaka 34 na Ngamije Boniface w’imyaka 22.  Aba bose bategaga abaturage bakabambura ibyo bafite. Inkuru irambuye