POLISI Y'U RWANDA

Rwanda rukunze kuza imbere mu bihugu bifite umutekano usesuye, n’imiryango itandukanye ku isi yarushyize ku mwanya wa mbere muri Afurika nk’igihugu gifite umutekano usesuye. Byose bikaba bituruka ku nzego z’umutekano zikora neza, harimo na Polisi y’Igihugu.

Mu myaka irindwi ishize, Polisi y’u Rwanda yakoze ibikorwa bitandukanye

bijyanye n’inshingano zayo zo kubungabunga no gusigasi-ra umutekano w’abaturarwanda n’ibyabo; ibyo bikaba byaragize uruhare runini mu guteza imbere ibikorwa by’ishoramari ndetse n’iterambere muri rusange.

Ibi Polisi y’u Rwanda yabigezeho kubera gushyira mu bikorwa ibyo yiyemeje gukora, hakiyongeraho imikoranire myiza n’abaturage ndetse n’abafatanyabikorwa bayo mu gukumira ibyaha. Ibindi byatumye bigerwaho; harimo ubufatanye n’imikoranire myiza n’izindi nzego z’umutekano zo muri aka karere ndetse no ku rwego mpuzamahanga mu kurwanya no gukumira ibyaha byambukiranya imipaka.

Ibyagezweho byose bishingiye mu nshingano zayo birimo kongera ubushobozi, gukumira ibyaha n’impanuka zo mu muhanda, ubutwererane mpuzamahanga, kurwanya ruswa, gutanga serivisi nziza hifashishijwe ikoranabunga, no guteza imbere ibikorwa remezo.

Muri iki gihe, kimwe no mu myaka yashize, Polisi y’u Rwanda yakomeje kwiyubaka ku buryo butandukanye ndetse no kongera ubushobozi mu bijyanye n’amahugurwagushaka ibikoresho bigezweho byifashishwa n’amashami yayo mu kazi kanyuranye; ku buryo bituma buri muturarwanda agira umutekano usesuye.

Ubufatanye bwa Polisi y’u Rwanda n’abaturage ndetse n’izindi nzego mu gukumira ibyaha

Ubukangurambaga bugamije kurwanya no gukumira ibyaha birimo itundwa n’ikoreshwa ry’ibiyobyabwenge, icuruzwa ry’abantu n’ihohoterwa rishingiye ku gitsina ndetse n’irikorerwa abana bwakozwe mu gihugu hose.

Habaye kandi ubukangurambaga bwo kwibutsa abakoresha inzira nyabagendwa kubahiriza amategeko hagamijwe gukumira impanuka zo mu muhanda. Ubwo bukangurambaga bwatumye ibyaha bigabanuka; kandi abaturage babigiramo uruhare.

Mu myaka irindwi ishize, hakomeje kubaho ibikorwa byo gushyira hamwe hagati ya Polisi n’abaturage binyuze muri community Policing, amarondo, amatsinda agamije gukumira ibyaha ndetse n’Itangazamakuru ryakomeje gukorana bya hafi na Polisi y’u Rwanda hagamijwe gukumira ibyaha.

Habaye kandi ihuriro ry’urubyiruko rw’abakorerabushake mu gukumira ibyaha (RYVCP); abanyamuryango baryo bakaba bariyongereye; kuko bavuye ku bihumbi 14 bagera ku bihumbi birenga 55. Gukorana bya hafi n’abaturage, amarondo, amatsinda ya Community Policing ndetse n’itangazamakuru biri muri bimwe byagabanyije ibyaha ku buryo bugaragara.

KANDA HANO USOME IBIKURIKIRAHO