Gasabo: Abaturage bafashe abasore 2 bibye moto

Ku itariki ya 31 Ukuboza, abaturage bo mu murenge wa Nduba akagari ka Gasanze bafashe abasore 2 ariko Uwiringiyimana Vedaste w'imyaka 26 na Ntawivugabose Jean Pierre w'imyaka 37 bari bibye moto.

Umuvigizi wa Polisi mu mujyi wa Kigali Superintendent of Police (SP) Emmanuel Hitayezu yavuze ko aba bombi bagiye mu gace k'ubucuruzi ka Gasanze bari kuri moto bagasanga aho indi yari iparitse bakayiba bakahasiga iyo bari bajeho.

Yavuze ati:"Aba bombi baje kuri moto bageze Gasanze baraparika bafata indi yari iparitse aho barayitwara bajya kuyihisha baragaruka bashaka gutwara ya yindi bari bajeho mbere, nibwo abaturage babafashe babashyikiriza Polisi ya Nduba ari naho ubu bafungiye. "

SP Hitayezu yashimiye abo baturage bafashe aba bagizi ba nabi, anasaba abaturage gucunga umutekano w'ibintu byabo.

Yavuze ati:" Mu Rwanda hari umutekano, ariko abantu nabo bagomba gucunga umutekano w'ibintu byabo kuko ntihabura ababaca mu rihumye bakabatwara byabo. "

Yasabye abafite ibinyabiziga kujya babifunga neza kugirango hatagira ubibatwara.

POLISI Y'U RWANDA

Gasabo: Abaturage bafashe abasore 2 bibye moto

Amakuru aheruka

Abarenga 5700 bazamuwe mu ntera muri Polisi y’u Rwanda

KWIBUKA32: Abari mu butumwa bw’amahoro bibutse Jenoside yakorewe Abatutsi

Abarenga 190 basoje amahugurwa ku miyoborere ya sitasiyo ya Polisi

Inama ihuza Komite z’Umuryango wa EAPCCO yasojwe hitswa ku ngamba zo guhangana n’ibiteza umutekano muke mu Karere

KIGALI: Hatangijwe inama ya Komite zigize umuryango wa EAPCCO yiga ku bufatanye mu guhangana n’ibyaha

Abapolisi barenga 190 bo ku rwego rwa ofisiye bakoze urugendoshuri

Abapolisi b'u Rwanda basimbuye bagenzi babo mu butumwa bw'amahoro muri Santrafurika

Abapolisi bitegura kujya mu butumwa bw’amahoro muri Santrafurika basabwe kuzahagararira neza igihugu