Kinyarwanda
English
Kuri uyu wa Kane tariki ya 26 Gicurasi, Umuyobozi wa Polisi wungirije ushinzwe abakozi n?imiyoborere, DIGP Jeanne Chantal Ujeneza yaganirije abapolisi 52 bitegura kuzitabira imyitozo ngarukamwaka ihuza inzego z'umutekano zo mu karere k'ibihugu by'Afurika y?Iburasirazuba izwi nka ?East African Community Armed Forces Field Training Exercise-EAC FTX Ushirikiano imara 2022?.
Iyi myitozo iigamije kureba ubushobozi bw'inzego zo mu bihugu binyamuryango no gutanga amahugurwa ahurijwe hamwe mu gutegura no kuyobora ibikorwa bihuriweho byo kugarura amahoro, gucunga ibiza, kurwanya iterabwoba no kurwanya ishimutwa ry?amato.
Izabera mu gihugu cya Uganda kuva tariki 27 Gicurasi kugeza ku ya 12 Kamena, ikazitabirwa n'inzego z'umutekano zo mu bihugu byo mu karere k'Afurika y?Iburasirazuba birimo u Rwanda, Kenya, Tanzania, u Burundi, Sudani y?Epfo na Uganda izayakira. Republika iharanira Demokarasi ya Congo iherutse kwinjira muri uyu muryango ntizitabira imyitozo kuri iyi nshuro.
Itsinda ry'abapolisi b'u Rwanda rizitabira; riyobowe na Assistant Commissioner of Police (ACP) David Rukika, bagabanyije mu byiciro bibiri; ikigizwe n?abapolisi 36 bayobowe na Superintendent of police (SP) Emmanuel Iyako, bagiye mu irushanwa n?ikindi cyiciro kigizwe n?abapolisi 16 bari mu nzego z'ubuyobozi bw'iyi myitozo.
DIGP Ujeneza yasabye aba bapolisi kuzagaragaza disipuline, ubushobozi n'ubunyamwuga bisanzwe biranga abapolisi b'u Rwanda aho bari hose bityo bakazabasha kwitwara neza no guhesha ishema u Rwanda.
Yagize ati: ?Abapolisi b'u Rwanda aho bari hose barangwa n'ikinyabupfura, ubunyamwuga ndetse no kugaragaza ubushobozi kandi nibyo by?ingenzi byerekana ko Polisi y'u Rwanda ishoboye, tukaba twizeye ko muzakomeza kubizirikana kandi mugaharanira kwitwara neza.?
Iyi myitozo isubukuwe nyuma y?igihe cy?imyaka 3 yari imaze itaba kubera icyorezo cya Covid-19.
Ubwo iheruka kuba yabereye mu gihugu cya Tanzania mu mwaka wa 2018, icyo gihe u Rwanda nirwo rwabaye urwa mbere mu kugaragaza ubushobozi n'ubunyamwuga.
