Kinyarwanda
English
Ishami rya Polisi y?u Rwanda rishinzwe ubutabazi no kurwanya inkongi (FRB) Kuwa 14 Gashyantare, 2022 hahuguwe abakozi 112 barimo abapolisi 52 bakorera ku Karere ka Nyanza n'abandi bakozi 60 bakorera mu mahoteli, Resitora no kuri za sitasiyo zicuruza ibikomoka kuri Peteroli. Kuri uyu wa Kabiri tariki ya 15 Gashyantare Gashyantare ryahuguye abakozi 157 bo mu bitaro bya Kabgayi biherereye mu Karere ka Muhanga, Umurenge wa Nyamabuye, mu Kagari ka Gahogo. Kuri uyu wa 16 Gashyantare hanahuguwe abakozi 80 bo mu bitaro bya Kabutare biherereye mu Karere Huye.
Umuyobozi w?ishami rya Polisi rishinzwe ubutabazi no kurwanya inkongi, Assistant Commissioner of Police (ACP) Paul Gatambira yavuze ko aya mahugurwa ari muri gahunda ya Polisi y?u Rwanda yo guhugura umubare munini w'abaturarwanda ku kwirinda no gukumira inkongi. Bakagira ubumenyi ku kwirinda ibyateza inkongi ndetse yaramuka ibaye bakabasha kwitabara.
Yagize ati? Abo duhugura tubasobanurira ibitera inkongi n?ibigize umuriro, tubereka uko bahunga inkongi iramutse ibaye. Twifashisha ibikoresho by?imfashanyigisho nk?umucanga, ikiringiti gitose, kizimyamuriro n?ibindi tubereka uko babikoresha bazimya inkongi yoroheje.?
ACP Gatambira yavuze ko mu bigo byinshi usanga bafite ibikoresho bizimya umuriro ariko abakozi batazi uko bikoreshwa, hakaba n?abandi batekesha gaze mu ngo zabo ariko ugasanga batazi neza uko ziriya gaze zateza inkongi batanazi uko bakwitabara haramutse habaye ikibazo.
Yagize ati? Abakozi bo mu bigo tugenda duhugura tubanza kubereka uko bakoresha za kizimyamuriro kuko mu bigo byinshi dusanga zihari ariko batazi kuzikoresha. Tunabereka uko bakwirinda inkongi n'uko bakwitabara bari mu ngo zabo igihe barimo gutekesha gaze.?
ACP Gatambira yakomeje avuga ko aho Polisi ihuguye hose isiga itanze nimero za telefoni abantu bakoresha batabaza Polisi igihe habaye inkongi. Izo nimero ni 111, 112,0788311224.
Ku muturage wo mu Ntara y'Amajyepfo aramutse ahuye n'ikibazo cy'inkongi cyangwa ubundi butabazi yahamagara yahamagara kuri telefoni 0788311449.
