Kinyarwanda
English
Kuri uyu wa Mbere tariki ya 11 Ugushyingo 2024, Polisi y'u Rwanda yasimbuje abapolisi bagize itsinda RWAFPU3 mu butumwa bw'Umuryango w'Abibumbye bwo kubungabunga amahoro muri Repubulika ya Santrafurika (MINUSCA).
Itsinda RWAFPU3-3 rigizwe n’abapolisi 180 bayobowe na Senior Superintendent of Police (SSP) Thomas Kayonga, bahagurutse mu gitondo ku kibuga cy’indege Mpuzamahanga cya Kigali, berekeza mu Mujyi wa Bangassou, aho basimbuye bagenzi babo bagize itsinda RWAFPU3-2 ryari rimaze igihe kingana n’umwaka nabo bagarutse mu gihugu ku mugoroba.
