POLISI Y'U RWANDA

Mu rwego rwo kwitegura  itangira rya shampiyona y’u Rwanda (2020-2021) mu mupira w’amaguru mu Ukuboza uyu mwaka. Ikipe ya Polisi y’u Rwanda ikina umupira w’amaguru (Police FC) guhera muri iki cyumweru dusoza yatangiye imyitozo. Imyitozo ikorerwa  muri sitade ya Kigali i Nyamirambo yarangira abakinnyi bakajya ku irebero ari naho bari mu mwiherero, byose birakorwa hakurikijwe amabwiriza yo kwirinda COVID-19.

Ni nyuma y’aho kuwa Gatanu tariki ya 23 Ukwakira abakinnyi, abatoza ndetse n’abandi bantu baba hafi ya Police FC na Interforce FC bari basuzumwe icyorezo cya COVID-19.

Ikipe ya Police FC ni imwe mu makipe yiyubatse cyane igura abakinnyi bashya izifashisha muri uyu mwaka utaha w’imikino 2020-2021. Yaguze abakinnyi umunani bakina ku myanya itandukanye.

Abo bakinnyi bashya ni:

1. Sibomana Patruck Papy waguzwe mu ikipe ya Yanga SC

2.Rutanga Eric waguzwe muri Rayon Sports

3.Iradukunda Eric (Radu) yaguzwe muri Rayon Sports

4. Usengimana Faustin  yaguzwe mu ikipe ya Buildcon FC muri  Zambia

5 . Ntwari  Evode waguzwe muri  Mukura VS

6. Twizerimana Martin Fabrice yaguzwe muri Kiyovu Sports

7. Kwizera Rihungu Janvier (umunyezamu) yaguzwe mu ikipe ya Bugesera FC

8. Uwiduhaye Aboubakar waguzwe muri Heroes

INKURU BIJYANYE

Abakinnyi b'amakipe ya Polisi bakina umupira w'amaguru basuzumwe COVID-19 

Sibomana Patrick Papy wakiniraga Yanga yasinyiye Police FC