POLISI Y'U RWANDA

Abanyeshuli biga muri Kaminuza y’u Rwanda (UR)10,087 mu cyiciro cya mbere n’icya kabiri bahawe impamyabushobozi harimwo abapolisi bakuru 28 bigaga mukiciro cya gatatu cya kaminuza na 33 mukiciro cya kabiri cya kaminuza. Uyu muhango wo gutanga impamyabumenyi wabaye ku uru uyu wa Mbere tariki 18 Kanama kuri Sitade ya Camp Kigali.

Abapolisi bakuru 28 akaba ari intake ya 1, bakaba barahawe amasomo atandukanye ku bufatanye bwa Kaminuza y’u Rwanda n’ishuri rikuru rya Polisi ryo mu Bwongereza (Bramshill Police College).

Abapolisi bitabiriye aya masomo bakaba baraturutse mu bihugu bitandukanye aribyo: Uganda, Tanzania, S. Sudani, Kenya,, Ethiopia, Burundi, Djibouti    Sudan, Ghana,  Zambia, Somalia n’u Rwanda.

Umuyobozi Mukuru w’Ikirenga wa Kaminuza y’u Rwanda, Dr. Mike O’Neal, yabwiye abarangije muri UR ko iyi ari intangiriro yo kwiga kuko kwiga bitajya birangira.

Yakomeje ababwira ko ubumenyi bahawe ari ubwo kubafasha guhindura imiryango yabo, abaturanyi, igihugu n’isi muri rusange.

Komiseri wa polisi (CP) Nshimiyimana Vianney akaba yarahise abandi banyeshuli bigaga mukiciro cya gatatu mw’ishami rya  Arts and Social Studies.

Umuyobozi ushinzwe ishami ry’ubumenyamuntu ‘Arts and Humanities’ muri Kaminuza y’u Rwanda Uster Kaitesi yashimiye abapolisi barangije amasomo yabo abasaba ko ubumenyi bahawe bagomba kububyaza umuzaruro biyubakira igihugu mu bijyanye n’umutekano cyane ko  umutekano ari inkingi y’iterambere.