Kinyarwanda
English
Kuva mu gitondo cyo kuri uyu wa Kane tariki ya 13 Mutarama ishami rya Polisi rishinzwe ubutabazi no kurwanya inkongi (FRB) ryatagije amahugurwa y?iminsi ibiri agamije guhugura abapolisi bo mu ishami rya Polisi rishinzwe umutekano wo mu mazi. Ni amahugurwa agamije gukangurira aba bapolisi ku kwirinda inkongi, yatangiriye mu Karere ka Rutsiro, Umurenge wa Bushonyi, Akagari ka Kaguriro, Umudugudu wa Maziba ahari icyicaro gikuru cy?ishami rya Polisi rishinzwe umutekano wo mu mazi.
Umuyobozi w?ishami rya Polisi rishinzwe ubutabazi no kurwanya inkongi, Assistant Commission of Police (ACP) Paul Gatambira yavuze ko abapolisi bose bari mu ishami rishinzwe umutekano wo mu mazi bazagerwaho bagahugurwa. Barahugurwa ku bintu bitandukanye bijyanye n?ibigize umuriro, ibitera inkongi ndetse n?uko wakoresha ibikoresho bizimya umuriro ukaba wakwitabara habaye inkongi.
Yagize ati? Kimwe nk?ahandi tumaze iminsi tugenda duhugura abakozi mu bigo bitandukanye, aba bapolisi turimo kubahugura ibigize umuriro, ingamba zo kwirinda icyateza inkongi ndetse twifashishije ibikoresho tubereka uko bakwitabara bakazimya inkongi bo ubwabo ndetse bakaba banabihugura abo babana mu kazi, abo mu ngo zabo n?abaturanyi babo.?
ACP Gatambira yakomeje avuga ko nyuma yo gusura ahaba abapolisi bashinzwe umutekano wo mu mazi, bahawe kizimyamuriro ebyiri bashobora kwifashisha bazimya inkongi igihe ibaye.
Kuri uyu munsi wa mbere hahuguwe abapolisi 52, kuri uyu wa Gatanu tariki ya 14 Mutarama amahugurwa azakomereza muri sitasiyo za Polisi ziba ku biyaga bya Burera na Ruhondo mu Karere ka Musanze na Burera.
