Kinyarwanda
English
Abapolisi mirongo itatu bakorera ku cyicaro cya Polisi y’u Rwanda, ku Kacyiru, mu mashami atandukanye,barangije amahugurwa bari bamazemo iminsi itanu, ajyanye no gutanga serivisi nziza.
Aya mahugurwa yabereye ku cyicaro cya Polisi y’u Rwanda,ku Kacyiryu, kuva ku itariki 19 kugeza ku ya 23 Mutarama.
Yashojwe ku mugaragaro n’umuyobozi wa Polisi y’u Rwanda wungirije, ushinzwe ubutegetsi n’abakozi,DIGP Juvenal Marizamunda.
Yateguwe na Polisi y’u Rwanda ku bufatanye n’ikigo cy’igihugu gishinzwe ubumenyingiro (WDA), ari nacyo cyanatanze abahuguye.
Mubyo bigishijwe,harimo,ubusobanuro bwa serivisi nziza, umumaro wayo,n’uburyo bwiza bwo kuvugana n’abashaka serivisi,haba mu biro ndetse no kuri telephone.
DIGP Marizamunda yashimiye WDA ku bufatanye bwayo na Polisi y’u Rwanda muri gahunda zitandukanye.
Na none, yashimiye abahuguye, ku bwitange bwabo, ndetse n’abanyeshuri, kuba barakurikiye amasomo neza.
Yagize ati, ˝Kunoza serivisi ni imwe muri gahunda za guverinoma y’u Rwanda.Burri wese akwiriye kwakira neza umusaba n’umuzaniye serivisi.Nta gushidikanya ko ubumenyi mukuye muri aya mahugurwa azabafasha kurushaho gutanga serivisi nziza, ari nako musohoza inshingano zanyu kinyamwuga.˝
Yababwiye gukomeza kwihugura, kugira ngo biyungure mubyo bigishijwe, no gusangiza ubumenyi bakuye muri aya mahugurwa na bagenzi babo.
Umuyobozi wa WDA,Gerome Gasana,yagize ati, ˝Kuri twe,ni ibyagaciro gukorana na Polisi y’u Rwanda.Ubufatanye buzakomeza kugeza ubwo tugeze aho dushaka kugera mu bijyanye no gutanga serivisi nziza aho turi hose.˝
Avuga mu izina ry’abarangije amahugurwa,Assistant Inspector of Police (AIP),Philomene Uwineza, yashimiye ubuyobozi bwa Polisi kubw’aya mahugurwa ndetse n’abayatanze.
Yagize ati, ˝Hari aho aya mahugurwa adukuye n’aho atugejeje.Tugiye kurushaho gukora kinyawuga ,dutanga serivisi irushijesho kunoga.˝
Yasabye bagenzi be gushyira mu bikorwa ibyo bize no kubisangiza bagenzi babo, aho bakorera.
Polisi y'u Rwanda na REMA byasinyanye amasezerano y'ubufatanye mu kubungabunga ibidukikije.
Iyi gahunda izakomeza kugeza igihe hahuguriwe abapolisi 210.Biteganyijwe ko ijana na mirongo inane basigaye bazahugurwa mu minsi iri imbere.
