English
Kinyarwanda
Mu kiganiro cyatanzwe n’umuvugizi wa Polisi y’u Rwanda Assistant Commissioner of Police(ACP) Damas Gatare, cyabereye muri kaminuza yigenga ya Kigali (ULK) yashimiye ubuyobozi bw’uyu muryango kuri gahunda nziza bafite yo gufasha urubyiruko n’umuryango nyarwanda guhinduka no kwirinda ibiyobyabwenge barushaho kugira imyumvire,myiza n’indanga gaciro za kirazira.
Urubyiruko rugera kuri 300 yarusobanuriye uburyo Polisi ikorana n’abaturage n’izindi nzego z’umutekano kugirango irinde, ikumire, ijijure muri gahunda ya community Policing.
Yabasabye ko bagomba kwirinda amacakubiri ahubwo ko bagomba gukorera hamwe bitandukanya n’umuntu uwo ariwe wese wabashora mubikorwa bibi biganisha igihugu mu mage.Yababwiye ko bagomba kwitabira ikorana buhanga kugirango bagendane n’umuvuduko n’iterambere u Rwanda rugezeho.
Yasoje yizeza urwo rubyiruko ko Polisi y’u Rwanda yiteguye gufatanya narwo mu bikorwa byose biteza igihugu imbere harimo no gushakira hamwe umutekano ku bufatanye n’izindi nzego bireba, rukirinda ingeso mbi zo kunywa ibiyobyabwenge ahubwo bakarushaho kurinda ibikorwa remezo.
Mufuluke Fred waruhagaraiye Minisiteri y’ubutegetsi bw’igihugu yabahaye ikiganiro kuruhare rw’urubyiruko rw’u Rwanda mu miyoborere myiza n’iterambere ry’igihugu abasaba gukunda igihugu barangwa n’indanga gaciro za kirazira, bakagira ikizere,n’ubunyangamugayo mubyo bakora byose
Mutangana J.Bosco umuyobozi mukuru w’urwo rubyiruko ku rwego rw’igihugu yavuze ko umuryango wabo ufite gahunda yo kuba intangarugero mu kubungabunga umutekano bitabira ibikorwa bya Leta birimo umuganda rusange, gufasha abatishoboye ariko bashyira imbere cyane cyane umutekano.
Aha akaba yagize ati:” Abanyamuryango bacu twihaye gahunda yo guca ukubiri n’ivangura mu banyarwanda, kunywa ibiyobyabwenge, twigisha bagenzi bacu gukunda igihugu no kurangwa n’indangagaciro z’ubunyarwanda tunafatanya n’izindi nzego kugiteza imbere.
Uru rubyiruko rukaba rugizwe n’abarangije muri za kaminuza zitandukanye rukaba rukorera mu mashuri yisumbuye ndetse na za kaminuza ubu bakaba bafite abanyamuryango bagera 7,000 mu Rwanda hose.
