INCAMAKE Y’AMAKURU Y’INGENZI YATAMBUTSE KU RUBUGA RWA POLISI MU CYUMWERU DUSOJE

Imiryango itishoboye mu birwa bya Bugarura na Rutagara yashyikirijwe inzu yubakiwe na Polisi

Polisi y'u Rwanda (RNP) yashyikirije inzu eshatu zubakiwe mu buryo bugezweho, imiryango itishoboye ituye mu birwa bya Bugarura na Rutagara byo mu Murenge wa Boneza mu Karere ka Rutsiro. Izi nzu zashyikirijwe ku mugaragagaro abagenerwabikorwa, kuri uyu wa mbere tariki ya 9 Gicurasi, n’umunyamabanga uhoraho muri Minisiteri y’ubutegetsi bw’igihugu, Samuel Dusengiyumva wari uri kumwe n’umuyobozi w’ishami rya Polisi rishinzwe guhuza ibikorwa byayo n’abaturage, Commissioner of Police (CP) Bruce Munyambo.  Inkuru irambuye...

Abamotari bahisha ibirango bya moto zabo bahawe umuburo


Polisi y’u Rwanda yihanangirije abakora umwuga wo gutwara abagenzi kuri moto bahisha ibirango bya moto bakoresha,  bagamije kwica amategeko n’amabwiriza agenga imikoreshereze y'umuhanda, inabibutsa ko yashyize imbaraga mu bikorwa byo gufata abagaragaza iyo myitwarire kuko ibyo bikorwa uretse kuba byateza impanuka ari n' ibyaha bihanwa n'amategeko y'u Rwanda.  Inkuru irambuye...

NYARUGENGE: Yafatanwe amacupa y'amavuta yangiza uruhu arenga 150


Polisi y'u Rwanda ishami rishinzwe kurwanya magendu n'ibindi byaha (ASOC), kuri uyu wa mbere tariki ya 09 Gicurasi, ryafashe umugabo witwa Iyakaremye Primien ukurikiranyweho gukwirakwiza amavuta yangiza uruhu azwi nka mukorogo.
Iyakaremye Primien w'imyaka 44,  yafatiwe iwe murugo mu Mudugudu wa Kadobogo,   Akagali ka Nyabugogo, Umurenge wa Kigali, Abapolisi bakaba bamusanganye amacupa y'amavuta atemewe gukoreshwa mu Rwanda kuko yangiza uruhu yari afite agaciro k'amafaranga y'u Rwanda 245,900.  Inkuru irambuye...

Umushoferi wari wataye amafaranga yayashyikirijwe na Polisi


Kuri uyu wa mbere, tariki ya 9 Gicurasi, Polisi y’u Rwanda (RNP) yashyikirije amafaranga y’u Rwanda, ibihumbi mirongo ine (40,000 Frw) nyirayo nyuma yo gutoragurwa n’Umupolisi ukorera mu Kigo cya Polisi gishinzwe kugenzura Ubuziranenge bw’Ibinyabiziga (Automobile Inspection Centre) gikorera i Remera mu karere ka Gasabo.  Inkuru irambuye...

Polisi yatangije ubukangurambaga bwo kwirinda no kurwanya inkongi mu mashuri


Umuriro ugira akamaro mu buzima bwa buri munsi ariko bisaba ko ukoreshwa neza kuko iyo hatabayeho ubushishozi mu mikoreshereze yawo ushobora guteza ibyago birimo gukomereka bikomeye, kwangiza ibikoresho ndetse ukaba wanateza uru pfu. Uburyo bwiza bwo kwirinda ibi byose ni uko abantu bagomba kubona amahugurwa bakagira ubumenyi mu gukoresha neza ibikoresho bikoresha umuriro, haba mu ngo aho abantu batuye cyangwa aho bakorera.  Inkuru irambuye...

KARONGI: Polisi yakuye mu mazi umurambo w’umunyeshuri


Polisi y’u Rwanda, Ishami rishinzwe umutekano wo mu mazi (Marine Unit) ryarohohe umurambo w’umunyeshuri wigaga ku ishuri ry’ubumenyingiro (IPRC) rya Karongi warohamye mu kiyaga cya Kivu ku mugoroba wo ku wa Kabiri tariki 10 Gicurasi. Nyakwigendera, Uwarugira Claude wari ufite imyaka 25 y’amavuko, yigaga mu mwaka wa gatatu mu ishami rya Mechanical Engineering, akaba yarabuze ahagana saa kumi z’umugoroba ubwo yari arimo kogana na bagenzi be mu birometero bibiri uturutse ku kigo.  Inkuru irambuye...

GICUMBi: Polisi yafashe amasashe arenga ibihumbi 98 atemewe gukoreshwa mu Rwanda


Polisi y'u Rwanda mu Karere ka Gicumbi, ku wa Kabiri, Tariki ya 10 Gicurasi, yafashe amasashe atemewe gukoreshwa mu Rwanda amapaki 494 ahwanye n'amasashe 98,800. Aya masashe yafatanwe uwitwa Tumwesigye Damascene w'imyaka 37, afatir  wa mu Mudugudu wa Mungera, Akagali ka Kabuga, Umurenge wa Manyagiro.  Inkuru irambuye...

RWAMAGANA: Babiri bafashwe bagerageza guha abapolisi ruswa


Polisi y’u Rwanda, Ishami rishinzwe gutanga ibizamini by’impushya zo gutwara ibinyabiziga, kuri uyu wa Gatatu, tariki ya 11 Gicurasi, ryafatiye abagabo babiri mu karere ka Rwamagana, barimo umukandida ku kizamini cy’uruhushya rwo gutwara ibinyabiziga icyiciro cya ‘B’ n’umwarimu wigisha gutwara ibinyabiziga, bakurikiranweho kugerageza guha Ruswa abapolisi ingana n’amafaranga y’u Rwanda; ibihumbi magana ane (400,000 Frw).  Inkuru irambuye...


<-Back To RNP News