Kinyarwanda
English
POLISI Y'U RWANDA
Serivisi - Kurinda - Ubunyangamugayo
Kwinjira muri Polisi y'u Rwanda
Polisi y’u Rwanda irashishikariza abantu babyifuza kandi bafite ubumenyi n’ubunararibonye butandukanye, ko basaba kuyinjiramo. Nk’urwego rushinzwe iyubahirizwa ry’amategeko, dushyira ku isonga ubufatanye mu bikorwa byacu, twishimiye abatanga ubusabe bifuza gukorana natwe, mu kubaka, kuzana icyizere no gufasha abaturage bakorera.
Abapolisi bahora ari aba mbere mu kugera ahakorewe icyaha cyangwa mu kwita ku byo abaturage bakeneye kandi bagatanga serivisi zabo amasaha 24 ku yandi, iminsi irindwi mu cyumweru. Umunsi w’umupolisi uba ugoranye ariko umutera ishema kuko akazi ke kazanira inyungu abaturage.
Bityo rero, kuba umupolisi si akazi, ahubwo ni umwuga.
Inyungu
Umwuga w’igipolisi utanga inyungu zihebuje z’akazi, zirimo umushahara mwiza n’ibijyanye n’ubwizigame bw’izabukuru. Akarusho, wishyurwa nk’umukozi kuva ku munsi wa mbere.
Ingingo z'ingenzi
Umwuga w’igipolisi utanga inyungu zihebuje z’akazi, zirimo umushahara mwiza n’ibijyanye n’ubwizigame bw’izabukuru. Akarusho, wishyurwa nk’umukozi kuva ku munsi wa mbere.
- Umusanzu w’ubwiteganyirize bw'abakozi
- Igihembo cy'imikorere
- Ifunguro n'amacumbi ku kazi
- Ikiruhuko cy'izabukuru cyishyurirwa amezi 36
- Kubona serivisi z'imari n'inguzanyo byoroshye muri Zigama CSS
- Amahirwe yo gukora mu ishami ry’umuryango w’abibumbye ryita ku mahoro
- Kugura ibiribwa bihendutse nibikoresho byo murugo mu ma guriro ya "Armed Force Shop"
- Amahugurwa ku bumenyi butandukanye