#

POLISI Y'U RWANDA

Serivisi - Kurinda - Ubunyangamugayo

#

Ibibazo bikunze kubazwa polisi y’ igihugu

Show all answers
Hide all answers
  • Polisi y’ Igihugu yaba yubatse ite?

    Igisubizo: Polisi y’ igihugu igizwe n’ inzego 5 ku rwego rw’ igihugu, inzego 30 ku rwego rw’ uturere n’ amashami 320.

    Is this answer helpful? Yes / No

  • Polisi y’ igihugu ikorera hehe?

    Ikicaro gikuru cya Polisi y’ igihugu kiri i kigali mu rwanda. mushobora no kuduhamagara cyangwa kutwandikira kuri aderese zikurikira:

    Telefone wahamagara: (250)788311155

    ibibazo byihutirwa:

    Gutabaza: 112                   Ihohoterwa rishingiye ku gitsina: 3512        Inkongi: 111

    Impanuka mu muhanda: 113   Polisi yo mu mazi: 110    Kurenganywa n’umupolisi: 3511

    Kurwanya ruswa: 997           Guhohotera umwana: 116                         Isange: 3029

    E-mail: info@police.gov.rw

    Agasanduku k’ i posita: 6304

    Is this answer helpful? Yes / No

Your question / answer was not here? What do you miss?

IBIBAZO BIREBANA NA POLISI ISHINZWE KUBUNGABUNGA UMUTEKANO WO MU MUHANDA

Show all answers
Hide all answers
  • Ni irihe tegeko rigenga imikoreshereze ya telephone?

    Gukoresha telephone utwaye ntibyemewe kereka iyo ukoresha ekuteri. nta muntu wemerewe gukoresha telephone igihe atwaye cyangwa ayoboye ikinyabiziga.

    Is this answer helpful? Yes / No

  • Ni uwuhe muvuduko ntarengwa wemewe mu Rwanda?

    umuvuduko ntarengwa mu migi ni ibirometero 40 ku isaha n’ ibirometero 60 ku isaha mu ntara.

    Is this answer helpful? Yes / No

  • Nigute natangaza impanuka ibereye mu muhanda?

    Wahamagara 113

    Is this answer helpful? Yes / No

  • Ni gute nabona urupapuro rugaragaza uko impanuka yagenze?

    Ushobora kubona urupapuro rugaragaza uko impanuka yagenze ruvuye ku buyobozi bwa polisis bushinzwe ubutabera wari uhari igihe impanuka yabereye.

    Is this answer helpful? Yes / No

  • Ni iki nakora igihe nciwe amande kumpamvu ntari kumva neza?

    Wandikira ibaruwa Ubuyobozi bwa Polisi ishami rishinzwe ibyo mu muhanda ubamenyesha uko byagenze, bikazakurikiranwa mu iperereza.

    Is this answer helpful? Yes / No

  • Niba nasabwe kwishyura amande ni hehe nakwishyura?

    Kwishyura bikorerwa muri Banki ya Kigali kuri konti 0369752-21

    Is this answer helpful? Yes / No

  • Ni kubera iki Polisi igira itegeko kwambara umukandara w’ imodoka?

    Polisi isaba kwambara umukandara wo mu modoka nk’ uburyo bwo kwirinda bwizewe.

    Is this answer helpful? Yes / No

  • Ni ryari ikinyabiziga gishobora gufatirwa?

    Zimwe mu mpamvu ni izi;

    • Ikinyabiziga cyatawe nuwari ugitwaye
    • Ikinyabiziga gihagaze ahatemewe
    • Ikinyabiziga gihagaze ahabangamira abandi bakoresha umuhanda
    • Gutwarana wanyoye ibiyobyabwenge
    • Mu gihe cy’ impanuka.

    Is this answer helpful? Yes / No

  • Ni ibihe byangombwa umuntu utwaye imodoka agomba kwitwaza?

    Ibi ni ibyangombwa umushoferi agomba kwitwaza

    • Uruhushya rwo gutwara ibinyabiziga
    • Icyemezo cy’ ubwishingizi gishya
    • Icyemezo cy’ iyandikwa ry’ ikinyabiziga
    • Agatabo k’ ibiranga ikinyabiziga

    Is this answer helpful? Yes / No

  • Uruhushya rushobora gufatirwa kubera ayahe makosa?

    Hari amakosa menshi yo kwica mategeko y’ umuhanda;

    • Gutwara imodoka wanyoye ibiyobyabwenge,
    • Gutwara wanyoye inzoga nyinshi,
    • Guhanirwa ikosa rimwe nyuma y’ umwaka umwe,
    • Ubushobozi buke.

    Urwego rwa Polisi rushinzwe umutekano wo mu muhanda rwohereza ibyo byaha m’ ubuyobozi bw’ ubushinjacyaha bw’ u Rwanda, kuko iyo bigiye mu bucamanza ari abacamanza bateganya igihe umuntu azongera gutwarira ikinyabiziga.

    Is this answer helpful? Yes / No

  • Ni gute nahindura uruhushya rwo mu mahanga kugirango mbone urwo mu Rwanda?

    Bisabwa kuri Polisi y’ igihugu, ishami ry’ ibijyanye n’ ibyo mu muhanda. Bikorwa bitya:

    • Ibaruwa yandikirwa Komiseri wa Polisi ishinzwe umutekano wo mu muhanda iherekejwe n’ ibyangobwa bishoboka nka Visa
    • Fotokopi y’ uruhushya rwawe
    • Inyemeza bwishyu y’ amafaranga y’ amayarwanda  50,000 mugihe wemerewe guhindurirwa uruhushya

    Is this answer helpful? Yes / No

  • Haba hari uruhushya rwo gutwara ibinyabiziga mpuzamahanga rwemewe mu Rwanda?

    Impushya zo gutwara ibinyabiziga zo mu mahanga, ndetse n’ impushya mpuzamahanga ziremewe mu Rwanda kandi zishobora gukoreshwa umwaka umwe  mbere yo kubona uruhushya rwo gutwara ibinyabiziga rwo mu Rwanda.

    Is this answer helpful? Yes / No

  • Uruhushya rw’ agateganyo rwaba rumara igihe kingana iki?

    Uruhushya rw’ agateganyo rumara igihe kingana n’ imyaka 2, ukaba ushobora kubona urundi ari uko wakoze ikindi kizamini.

    Is this answer helpful? Yes / No

  • Ikizamini gishobora kuboneka mu ndimi zingahe?

    Ikizamini gitangwa mu ndimi 3; Ikinyarwanda, Icyongereza n’ Igifaransa.

    Is this answer helpful? Yes / No

  • Nshobora kugira uruhushya rwo gutwara ibinyabiziga mfite munsi y’ imyaka 18?

    Oya, itegeko rivuga ko umuntu ugomba gutwara imodoka kuri kategori ya A na B agomba kuba afite byibura imyaka 18 n’ imyaka 20 kuri kategori ya C,D,E na F.

    Is this answer helpful? Yes / No

  • Nshobora kwiyandikisha mu gukora ikizamini cy’ uruhushya rw’ agateganyo rwo gutwara ibinyabiziga mfite munsi y’ imyaka 18?

    Oya, niba ufite munsi y’ imyaka 18 ntushobora gukora ikizamini cy’ uruhushya rw’ agateganyo rwo gutwara ibinyabiziga.

    Is this answer helpful? Yes / No

  • Nigute nakwiyandikisha mu gukora ikizamini cy’ uruhushya rwo gutwara ibinyabiziga?

    Wandika nimero y’ indangamuntu ( ugasiga akanya), ukandika akarere ( ugasiga akanya), numero z’ uruhushya rwa’ agateganyo rwawe( ugasiga akanya), Ukandika kategori yawe (A,B,C,D,E,F) ( ugasiga akanya) ukandika nomero ya kitansi ya Rwanda Revenue ukohereza kuri 3126

    Urugero: 1199081111111111 Gatsibo G616016/2012 B 08979198  ukohereza kuri 3126

    Is this answer helpful? Yes / No

  • Nigute nakwiyandikisha mu gukora ikizamini cy’ uruhushya rw’ agateganyo rwo gutwara ibinyabiziga?

    Ukoresha telephone yawe ahandikirwa ubutumwa bugufi ukandika: Nimero y’ indangamuntu (ugasiga akanya), Akarere utuyemo ( ugasiga akanya), ukandika inyuguti P (ugasiga akanya), Ukandika umubare 0 ( ugasiga akanya) ukandika nomero ya kitansi ya Rwanda Revenue 08979198 ubundi ukohereza kuri 3126.

    Urugero: 1198080043026249 Gatsibo P 0 08979198

    Is this answer helpful? Yes / No

Your question / answer was not here? What do you miss?

IBIBAZO BIREBANA NO KWINJIRA MURI POLISI

Show all answers
Hide all answers
  • Nigeze gufungwa- naba nemerewe kwinjira muri Polisi y’ igihugu?

    Yego biremewe ariko igihe waba warafunzwe bitarenze amezi atandatu.

    Is this answer helpful? Yes / No

  • Ni ayahe mashuri asabwa kugirango umuntu ashyirwe mu kiciro cy’ aba ofisiye muri Polisi y’ igihugu?

    Ku ikosi rya kadete, umuntu asabwa kuba afite impamyabumenyi y’ ikiciro cya kabiri cya kaminuza cyangwa impamyabushobozi y’ amashuri abanza kugirango abone amahugurwa y’ ibanze.

    Is this answer helpful? Yes / No

  • Ni iyihe myaka yemewe kugirango umuntu abe umupolisi

    Ni kuva ku myaka 18 kugeza kuri 25 ushobora kwiyandikisha mukugira ubumenyi bw’ ibanze, n’ imyaka iri hagati ya 20 na 35 kuba wakora ikosi bita kadete.

    Is this answer helpful? Yes / No

  • Ni iki gisabwa kugirango umuntu yinjire muri Polisi?

    Bisaba kuba uri umunyarwanda

    Is this answer helpful? Yes / No

Your question / answer was not here? What do you miss?

IBINDI BIBAZO

Show all answers
Hide all answers
  • Igiciro ni kimwe ku modoka zose zijya mu kigo kigenzura imodoka?

    Igiciro giterwa n’ imodoka;

    • Moto zitanga amafaranga y’ amanyarwanda 3,000
    • Imodoka zisanzwe z’ abagenzi zitanga amafaranga y’ amanyarwanda 10,000
    • Bisi na Minibisi zitanga amafaranga y’ amanyarwanda 15,000
    • Ibikamyo na Rukururana bitanga hagati y’ amafaranga y’ amanyarwanda 20,000 na 25,000

    Kwishyura bikorerwa muri Banki y’ ubucuruzi y’ u Rwanda kuri konti: 5036679-01-50

    Is this answer helpful? Yes / No

  • Ni kubera iki ngomba kujya mu kigo kigenzura imodoka kandi imodoka yanjye ijya mu magaraji buri gihe?

    Iri genzura rikorwa kugirango ihishure ibibazo ifite mu kongera umutekano mu muhanda.

    Ikigo kigenzura imodoka gitandukanye n’amagaraji kuko bo intego yabo ari ukugabanya umubare w’ ibibazo ku modoka bishobora guteza impanuka bityo hagafatwa ingamba z’ uko zigomba kwizerwa neza, ko nta bibazo zifite.

    Is this answer helpful? Yes / No

  • Ni izihe serivisi zitangwa n’ ikigo kigenzura imodoka?

    Ikigo kigenzura imodoka gishinzwe kureba umuteno w’ imidoka, ndetse kikaba kinatanga impapuro zemeza ko imodoka zishobora kugenda mu muhanda rusange.

    Is this answer helpful? Yes / No

  • Nshobora gutunga imbunda byemewe n’ amategeko?

    Itegeko rivuga ko umuntu utuye mu Rwanda agomba gusaba uruhushya rwo gutunga imbunda mu gihe atanga impamvu zumvikana zituma ashakira kuyitunga.

    Ibigo bicunga umutekano bisabwa kwishyura amafaranga y’ amanyarwanda 100,000 buri mwaka. Polisi y’ igihugu kandi yashyizeho umurongo utishyurwa wo guhamagara igihe habonetse umuntu utunze imbunda bitemewe n’ amategeko.

    Is this answer helpful? Yes / No

  • Ni iki nakora igihe abaturanyi banjye bateje urusaku?

    Wahamagara 112

    Is this answer helpful? Yes / No

  • Ni ngombwa uruhushya kugirango nkoreshe indangururamajwi aho ntuye mpamagarira inama rusange?

    Yego, ugomba gusaba uruhushya ku ishami rya Polisi rikwegereye, cyangwa abayobozi baho utuye.

    Urugero:Umudugudu

    Is this answer helpful? Yes / No

  • Ni gute natangaza umupolisi uri mu ikosa?

    Wahamagara 3511

    Is this answer helpful? Yes / No

  • Ni gute natangaza ihohoterwa rikorerwa mu ngo aho ntuye?

    Wahamagara 3512

    Is this answer helpful? Yes / No

  • Kurwanya inyerezwa ry’ amafaranga ni ngombwa?

    Inyerezwa ry’ amafaranga rishingiye kuguhisha aho amafaranga yaturutse hagambiriwe icyaha. Ibi bisobanura ko inyerezwa ry’ amafaranga rikorwa n’ abantu cyangwa itsinda ry’ abantu batari inyangamugayo kandi batabereye umuryango (sosiyete). Abacuruzi b’ ibiyobyabwenge, Ubacuruza abantu, abajura, abakora forode, abacuruza cyangwa batunga intwaro ku buryo butemewe n’ amategeko n’ abatwara abantu rwihishwa, ni bamwe muri abo bantu bakoresha uburyo bwo kunyereza amafaranga.

    Is this answer helpful? Yes / No

  • Inyerezwa ry’amafaranga ni iki?

    Inyerezwa ry’ amafaranga rikorwa mu guhisha aho amafaranga n’ ibijyanye na yo yavuye bityo agakoreshwa mu buryo bunyuranije n’ amategeko.

    Mu inyerezwa ry’ amafaranga,unyereza ahindura inzira y’ itangwa ry’ amafaranga ntagaragaze ko ari cyaha ahubwo akagaragaza ko byaciye mu nzira yemewe n’ amategeko.

    Is this answer helpful? Yes / No

  • Ni gute nafasha umuntu wagurishije?

    Niba ari wowe cyangwa umuntu uzi wagurishijwe wakihutira guhamagara ishami rya Polisi rikwegereye.

    Is this answer helpful? Yes / No

  • Ni irihe tandukaniro riri hagati y’ ubucuruzi bw’ abantu hanze y’ igihugu n’ imbere mu gihugu?

    a) Icuruzwa ry’ abantu rishingiye ku ifatwa, itwarwa cyangwa iyobywa ry’ umuntu ku mpamvu yo kumubyaza umusaruro (nko mu busambanyi cyangwa imirimo y’ igitugu). Abakora uyu murimo bakoresha uburyo butandukanye mu gucunga abafashwe harimo ihohotera rishingiye ku gitsina, iterabwoba, ndetse n’ ihohotera ku mubiri no mu bitekerezo. Ubucuruzi bw’ abantu bushobora kugaragara imbere cyangwa inyuma y’ imipaka, rishobora kugira abafatanyacyaha benshi, bikaba ari ukwica uburenganzira bw’ ibanze bw’ ikiremwamuntu bw’ abo baba bafashwe.

    Abafashwe bashobora gukoreshwa imirimo y’ igitugu, uburaya cyangwa n’ ibindi bikorwa by’ ubucakara. Abafashwe barababazwa yaba mbere yo gutwarwa, mu gihe cyo gutwarwa na nyuma yo gutwarwa kandi bahura n’ ingaruka zikomeye igihe bashatse gutoroka.

    b) Ubucuruzi bw’ abantu bukorerwa hanze y’ imipaka gusa bwo ni ugusohoka mu gihugu bitemewe n’ amategeko biherekejwe n’ itwarwa ryateguwe ry’ umuntu acishijwe ku mupaka hari ikiguzi cy’ amafaranga cyane cyane mu buryo bubi. Rimwe na rimwe iyo umuntu yemeye gutwarwa muri ubwo buryo mu kindi gihugu afatwa nk’ uwagurishijwe mu biganza by’ uwabikoze.

    Is this answer helpful? Yes / No

  • Ubucuruzi bw’ abantu ni iki?

    Ubucuruzi bw’ abantu ni “ ifatwa , itwarwa, iyoherezwa n’ iyakirwa ry’ umuntu mu buryo bwo kumukanga cyangwa gukoresha imbaraga cyangwa ubundi buryo bw’ iterabwoba bagamije kumubeshya kumpamvu yo kumukoresha cyangwa kumubyaza umusaruro.

    Is this answer helpful? Yes / No

Your question / answer was not here? What do you miss?

Ibindi Bisobanuro